ਖਿਆਲਾਂ ਦੇ ਪਰਿੰਦੇ: ਰਿਗਵੇਦ{ਪੰਜਾਬੀ ਰੂਪ}

ਰਿਗਵੇਦ{ਪੰਜਾਬੀ ਰੂਪ}

{੧}

ਮੰਡਲ ੫ : ਸੂਕਤ ੩ : ਰਿਚਾ ੯

ਹੇ ਸ਼ਕਤੀ ਪੁੱਤਰ ! ਪਾਪ ਅੰਧਕਾਰ ਤੂੰ ਦੂਰ ਕਰ, ਗਿਆਨਵਾਨ ਹੋ ਪਾਰ-ਨਿਸਤਾਰਾ ਕਰ

ਪਿਤਾ ਦਾ ਜੋ ਗਰਭਿਆ ਹੈ ਸਾਡੇ ਅੰਦਰ ਅੰਸ਼ ਹੋ ਤੇਰਾ |

{੨}

ਮੰਡਲ੧:ਸੂਕਤ੧੭੦:ਰਿਚਾ ੧

ਨਾ ਹੀ ਹੁਣ ਹੈ,ਨਹੀਂ ਹੈ ਭਲਕ ਵੀ;ਕੌਣ ਹੈ ਜਾਨਣਹਾਰ ਓਸ ਦਾ ਉਹ ਜੋ ਪਰਮ ਤੇ ਨਿਆਰਾ,

ਹੋਰਾਂ ਦੇ ਚਿਤ ਵੀ ਵਿਚਰੇ ਉਹੋ ,ਹੈ ਕਰਮ ਉਸੇ ਦਾ;ਪਰ ਜਦ ਫ਼ਾਹੀਏ ਸੋਚਾਂ ਥਾਣੀ ਬਿਣਸ-

ਬਿਣਸ ਉਹ ਜਾਂਦਾ|

{੩}

ਮੰਡਲ ੧ :ਸੂਕਤ ੧੭੦: ਰਿਚਾ ੨

ਹੇ ਇੰਦਰ ਕਿਓਂ ਤੂੰ ਚਾਹੇਂ ਹਰਾਉਣਾ ਸਾਨੂੰ? ਇਹ ਹਨੇਰੀਆਂ ਹਵਾਵਾਂ ਭਾਈ-ਬੰਧ ਸਭ ਤੇਰੇ,ਇਨ੍ਹਾ

ਸੰਗ ਹੀ ਸਾਧਣੀ ਹੈ ਪੂਰਣਤਾ;ਸਾਡੀ ਏਸ ਤਣਾ-ਤਣੀ ਵਿਚ ਇਉਂ ਨਾ ਕੋਹ-ਕੋਹ ਮਾਰ|

{੪}

ਮੰਡਲ ੧ : ਸੂਕਤ ੧੭੦ : ਰਿਚਾ ੩

ਹੇ ਵੀਰ ਮੇਰੇ ਆਗਸਤਯ ਕਿਉਂ ਹੋਇ ਸਹੇਲਾ ਵੀ ਰੱਖੇਂ ਰਮਜ਼ਾਂ ਗੁੱਝੀਆਂ ਮੈਥੋਂ ; ਭਲੀ ਭਾਂਤ ਮੈਂ ਜਾਣਾ

ਕਿੰਜ ਰੱਖੇਂ ਤੂੰ ਓਹਲੇ ਸਾਥੋਂ,ਭਿਣਕ ਨਾ ਦੇਵੇਂ ਚਿਤ ਦੀ |

{੫}

ਮੰਡਲ ੧ :ਸੂਕਤ ੧੭੦ : ਰਿਚਾ ੪

ਦਿਓ ਵੇਦੀ ਸਜਾਉਣ ਉਨ੍ਹਾ ਨੂੰ,ਅਗਨੀ ਕਰਨ ਦਿਓ ਪ੍ਰਚੰਡ;ਉਹ ਸੁਲਗ ਪਈ ਚੇਤਨਾ ਅਮਰਤਾ ਦੀ,

ਆ ਰਲ ਹੋਈਏ ਅਹੂਤੀ ਦੋਹੇਂ ਯਜਨ ਰਚਾਈਏ |

{੬}

ਮੰਡਲ ੧ : ਸੂਕਤ ੧੭੦ : ਰਿਚਾ ੫

ਓ ਸਾਈਂ ਸਾਰ ਤੂੰ ਸਾਰੇ ਤੱਤਾਂ ਦਾ,ਪ੍ਰਾਣ ਹਰ ਤੱਤ ਦਾ ਤੂੰ,ਖਸਮ ਤੂੰ ਕੁੱਲ ਖੁਦਾਈ ਦਾ,ਵਾਲੀ ਇਸ਼ਕ

ਦਿਆ ਮੁਹਬੱਤਾਂ ਦਾ ਮੁਖਤਿਆਰ ਤੂੰ,ਤੂੰ ਹੀ ਸਾਈਂ ਸਭੇ ਸਾਈਂਆ ਦਾ ਰੱਖੇਂ ਇਖਤਿਆਰ ਤੂੰ;ਹੇ ਇੰਦਰ

ਪੌਣ ਦੇਵ ਸੰਗ ਇੱਕ ਸੁਰ ਹੋ ਮਾਣ ਨਜ਼ਰਾਨੇ,ਢਲ ਹੱਕ ਸੁਚੱਜ ’ਚ ਨਜ਼ਰ ਹੋਇ ਜੋ ਤੇਰੀ |

{੭}

ਮੰਡਲ ੧ : ਸੂਕਤ ੪ : ਰਿਚਾ ੧

ਹੇ ਰਚਣਹਾਰ ਪੂਰਣ ਰੂਪਾਂ ਦੇ ਜਿਉਂ ਗੋਪ ਕੋਈ ਪੁਕਾਰੇ ਵੱਗ ਅਪਣੇ ਨੂੰ,ਅਸੀਂ ਪੁਕਾਰੀਏ ਤੁਧ ਨੂੰ ਛਿਣ-

ਛਿਣ ਵਿਗਸਣ ਨੂੰ|

{੮}

ਮੰਡਲ ੧ : ਸੂਕਤ ੪ : ਰਿਚਾ ੨

ਆ ਕਬੂਲ ਪਿਆਲੀਆਂ ਸੋਮ ਭਰੀਆਂ ਅਸਾਡੀਆਂ,ਆ ਵੇ ਸੋਮ ਦੇ ਮੈਖ੍ਵਾਰ ਆ,ਪੀ ਪੈਮਾਨੇ ਸੋਮ-ਸੁਰਾ ਦੇ,ਖੁਮਾਰ

ਏਸ ਵਿਸਮਾਦ ਦਾ ਚੜੇ ਹੋ ਚਾਨਣ-ਚਾਨਣ|

ਖਿਆਲਾਂ ਦੇ ਪਰਿੰਦੇ